සිසිල් නල රැලකි ඔබ
විඩා බර නෙත් යුවල
පුබුදන
විවර කොට ඇති කවුළු
අතරින්
අනවසරයෙන් මවෙත පිය මැනි
අවුල් කරමින් කුටිය
පිළිවෙල
විහිදුවා ඇත මගේ ලිපි
ගොනු
රතින් දිදුලන ගෙබිම සැම
තැන
නිඵල කරමින් රැයෙක
වෙහෙසුම........
සිනා කැඳවයි නුඹේ සරදම
මතක මිණි වැල් කිකිණි
නගමින්
සිතින් දිව යමි නුඹව තනි
කොට
නුඹට නොදෙවැනි අයෙකු පසු
පස
ඇය කිරිල්ලකි රැලෙන්
වෙන් වුනු
මගේ හද ලෙන අගුලු බිදලූ
නොදන්වා සිත තුල ලැගුම්
ගෙන
නොකියාම රහසින්
ඉගිල්ලුනු
පවුරු බැන්දත් සිත් විමන
වට
ඇගෙන් ගැලවුම් නොමැත
මසිතට
පහන් සිළුවක් විලස පිය මැන
අවුළුවා ලයි මතක චිතකය......
පසක් වෙයි දැන් දැන්
සෙමින් මට
සබඳ කම ඔබ දේපල සතුවන....
සොයුරියෝ, ඔබ දෙදෙන එක
විට
සොබා දම් මවු කුසින්
බිහි වුන........
No comments:
Post a Comment